கணவன் மனைவி இருவரும் இடையில் நடக்கும் ஊடல் கவிதை

ஆண் : 

வெண்மேக பூ நீ

வெடித்து நிற்கும் பஞ்சு நீ

நெருங்கி வரும் வேளையிலே 

பதற வைக்கும் நெருப்பு நீ 

பெண்:

அழகான கொல்லன் நீ

அழகுப் படுத்தும் கம்பன் நீ

சுட்டு எரிக்கும் பார்வையிலே 

என்னை இழுக்கும் வில்லன் நீ 

ஆண் : 

தூரல் இது சாயாது 

மணலும் இங்கு வாழாது 

பெண் : 

தூரம் அது இல்லாது 

காதல் இங்கு வாழாது.

ஆராரோ ஆராரோ 

ஆரிரரோ ஆராரோ 

ஆராரோ ஆராரோ 

ஆரிரரோ ஆராரோ 

ஆண்:

ஓசையிலே

நீந்தி வரும் பெண்ணழகே 

உன் நெருக்கம் என்னை இழுக்குதடி 

பூவழகே.

பெண்:

ஆசையிலே தேடி வாரன் 

கருப்பழகா உன் மீசையில மோத வாரேன் பூவழகா 

ஆண்:

நெஞ்சமேனும் பூஞ்சரத்தில் வந்தவளே 

உன் காதல் மோகம் தீ மூட்டுதடி பூங்குயிலே.

பெண்:

ஆசையில தேரு பூட்டி வந்துருக்கேன் 

உன் ஆண்மையோட மல்லுகட்ட காத்து இருக்கேன்.

ஆண்:

சோலையிலே சேலையைத்தான் பிடிச்சிருக்கேன்

நீ சேதி சொல்லும் நாளுக்குத்தான் காத்து இருக்கேன்.

பெண்:

காத்து இருந்து கைபிடிக்க போறவரே 

உங்கள் வாசம் வீசும் சோலையிலே மாட்டிக்கிட்டேன் நான் மாட்டிக்கிட்டேன்

ஆண்:

உன்னோடு வாழ தாண்டி 

ஆசைப்பட்டேன் 

உன்னிடம் நெருங்கும் போது ஏத்துக்கடி 

மானே ஏத்துக்கடி.